Қаріп өлшемі
  • A
  • A
  • A

"Шығыс Қазақстан облысының техникалық және кәсіптік білім беру және кадрларды даярлау орталығы" КММ

Қазақстан Республикасы Президенті Н. Назарбаевтың Қазақстанда дуальді оқытудың ұлттық моделін құру туралы тапсырмасын орындау мақсатында, мемлекеттің инновациялық экономикасына кадрлар даярлау мәселесі бойынша әлеуметтік серіктестікті жетілдіру аясында, 2012 жылдан бастап Шығыс Қазақстан облысы техникалық және кәсіптік білім беру жүйесі оқу орындарында ҚР Білім және ғылым министрлігі және Қазақстандағы ынтымақтастық туралы Герман қоғамы (GIZ) арасында жасалған келісім және халықаралық жоба аясында (Назарбаев-Меркель бастамасы) оқыту үрдісін неміс стандарттарына бейімдету жұмыстары жүргізіліп, ШҚО экономикасына қажетті кәсіби-техникалық деңгейдегі мамандар даярлаудың оқу бағдарламасы құрылған.  
Жоба мақсаты – Шығыс Қазақстан облысы техникалық және кәсіптік білім беру жүйесінің түлектерін еңбек нарығындағы бәскеге қабілетті, жоғары білікті маман ретінде даярлау. 

Дуальді оқыту технологиясының ерекшеліктері: 

-    Шығыс Қазақстан облысы колледж студенттерінің әр түрлі тәжірибеден өту жағдайында кәсіпорындар тарапынан материалды-техникалық базаның қамтылуы; 

-    студенттердің тәжірибеден өту барысында жоғары білікті мамандарға (жетекшілер) бекітілуі; 

-   жұмыс берушілердің оқу жоспары мен оқу бағдарламасының құрастырылу үрдісіне, мемлекеттік қорытынды аттестациядан өту және бітіруші топ студенттерін сертификаттау үрдісіне қатысуы; 

-    оқу уақытын тиімді үйлестіру: 40%-теория, 60%- тәжірибе. 

Оқыту қатар жүргізіледі: 

-    1 курс: 5 күн оқу орнында, 1 күн кәсіпорында;

-    2 курс: 2 күн оқу орнында, 4 күн кәсіпорында; 

-    3 курс: өндірістік тәжірибе. 

Дуальді оқытуды енгізудің динамикасы

Жылы

Оқу орындар саны​

Студенттер саны

Кәсіпорындар саны

2012 ж.

11

320

21

2013 ж.

21

1103

67

2014 ж.

23

1989

71

2015 ж.

41

2517

166

2016 ж.

41

2263

281

 

Қазіргі таңда облыстың кәсіпорындарында студенттердің өндірістік тәжірибеден өтуін қамтамасыз ететін 281 шарт жасалған. 2016-20167 оқу жылында дуальді оқыту жүйесі бойынша білім алып жатқан оқушылар саны – 2263 студентті қамтып, білім алушылардың жалпы санының 6,5 %-ын құрады. Аталған жобадағы студенттердің 30%-ы өндірістік тәжірибеден өтуде төленетін жұмыс орындарымен қамтамасыз етілген. 114 жетекші кәсіпорындарда студенттерге 155 жетекші бекітілген. 

ШҚО білім басқармасы ШҚО кәсіпкерлер палатасымен бірлесіп, дуальді оқытудың Жол картасы жоспарын құрған.
Дуальді оқытудың Жол картасы жоспары негізінде «Кәсіпкерлік қызмет негіздері» пәні бойынша жұмыс бағдарламасы құрастырылып, бекітілген. Дуальді оқытуды енгізудің Жол картасы бойынша ШҚО кәсіпкерлер палатасымен бірге модульдік оқу жоспары құрылып, «Республикалық ғылыми-әдістемелік орталығы» АҚ келісілген. 2015 жылдың қыркүйегінен бастап ШҚО ТжКББ жүйесі оқы орындарына «Кәсіпкерлік қызмет негізі» пәні енгізілді.

«Қазақстандағы дуальді оқыту» бағдарламасын жүзеге асыру аясында "Өнеркәсіптік электрик" және "Өнеркәсіптік механик» неміс мамандықтары 2014 жылы ШҚО Білім басқармасының бұйрығымен Өскемен қаласының құрылыс колледжі және Өскемен қаласынының көпсалалы технологиялық колледждерінде тәжірибелік алаң құрылды.

КММ «Өскемен көпсалалы технологиялық колледжі», КММ «Өскемен құрылыс колледжі», КММ «ШҚО Тжкбб және кд Орталығы», ШҚО ББ, ШҚО Кәсіпкерлер Палатасы пилоттық жобаның қатысушылары болып табылады. ШҚО білім басқармасы дуальді оқытуды жүзеге асыратын және «Өндірістік механик», «Өндірістік электрик» жаңа мамандықтарын дамытатын оқу орындарына мемлекеттік білім беру тапсырысын 100% қамтамасыз етеді.

Аталған жобаны жүзеге асыруда 2 оқу орнына («Өскемен құрылыс колледжі» КММ және «Өскемен көпсалалы технология колледжі» КММ) «Өндірістік механик» және «Өндірістік электрик» мамандықтары бойынша тәжірибелік алаң мәртебесі берілген. GIZ сарапшылары Р. Пфайффер және Томаса Люкстің басшылығымен құрамында РҒӘО сарапшылары, кәсіпорын мамандары, ШҚО КП өкілдерін қамтитын жұмыс тобымен «Өндірістік механик» және «Өндірістік электрик» мамандықтарының тәжірибелік бағдарламалары, кәсіпорында практикалық оқу туралы ережесі, әлеуметтік серіктестер-кәсіпорындар және оқушылар арасында кәсіптік оқыту туралы шарттың жобасы құрылған.

Қосымша:

Дуальді оқытуды ұйымдастырудың ережесі