Кейс әдісі

Кейс-технология шын және ойдан шығарылған жағдайларға негізделген қысқа мерзімді оқытуға арналған интерактивтік технология.  

Кейс әдісі XX ғасырдың басында АҚШ-тың Гарвард университетінің бизнес-мектебінде еңгізілді. Әдіс бойынша оқытушыларға (оқушыларға) болған жағдайды толық мәлімдейтін мәтін ұсынылады. Оқытушының негізгі қызметі - сұрақтарды қойып, жауаптарды ескеріп отыратын дискуссияны жүргізу. Оқушылар жағдаймен танысады, оны өз-бетінше талдайды және оны шешудің бірнеше жолын табады. Үрдістің аяқталуы – ұсынылған алгоритмдерді бағалау және олардың ең үздігін таңдап алу.

Кейс-стадияның мақсаты: Оқытушылардың (оқушылардың)бірлесіп болған жағдайды талдау және тәжірибелік шешім шығару.

Кейс-технологиялардың негізгі ерекшеліктері

• тәжірибелік жағдайларды зерттеу;
• болған жағдайларды баяндау;
• оқушылар мәселемен танысып, оны шешудің жолдарын іздейді

Кейс-технологияларға:

· жағдайды талдау әдісі;

· инцидент әдісі;

· рольдік ойындар әдісі;

· іс хабарды талдау әдісі;

· ойындық жоба;

· дискуссия әдісі жатады

Кейс  әдісінін 5 кезеңі

1-кезең – жағдаятпен танысу, оның ерекшелігі;

2-кезең – мәселені аңықтау, әсер ететін факторлар мен объектілер;

3-кезең – ой доданы ұйымдастыру үшін тұжырымдаманы, ойларды  ұсыну;

4-кезең – шешім қабылдау алдындағы талдау жұмысы;

5-кезең – кейстің шешімі – бірнеше нұсқадағы шешім, шешімдерге байланысты туындайтын мәселелерін ескеруді атау.

Кейс әдісі оқытушының кәсіби құзіреттілігінің өсуіне, оның икемділігіне, жасампаздык іс-әрекетіне қол жеткізетін әдіс.