«Энергия үнемдеу және энергия тиімділігі» республикалық конференциясы
2024 жылғы 19 желтоқсанда Өскемен жоғары политехникалық колледжінің базасында ТжКОБ жүйесінің оқу орындары мен энергетикалық бейіндегі кәсіпорындарға арналған «Энергия үнемдеу және энергия тиімділігі» республикалық конференциясы өткізілді.
Мақсаты – ТжКОБ жүйесінің оқу орындарында және энергетикалық бейіндегі кәсіпорындарда энергия үнемдеу және энергия тиімділігін арттыру саласындағы заманауи тәсілдер, технологиялар мен шешімдерді талқылау және тәжірибе алмасу.
Конференция жұмысына Ақмола, Ақтөбе, Атырау, Шығыс Қазақстан, Қарағанды, Қызылорда, Маңғыстау, Павлодар, Жетісу және Түркістан, Солтүстік Қазақстан, Абай, Ұлытау облыстарының 25 колледжінен 39 педагог пен 46 студент қатысты.
Республикалық конференция жұмысы 4 секция бойынша жүргізілді.
Конференция жұмысын бағалауда «Өскемен конденсатор зауыты» ЖШС, «Кәсіптік-техникалық колледжі» ШЖҚ МКК, «Инновациялық Еуразия университетінің Жоғары колледжі» ЖШС, «Д. Серікбаев атындағы Шығыс Қазақстан техникалық университеті» КЕАҚ, «Ақтөбе жоғары политехникалық колледжі» КМҚК сарапшылар қатысып, кәсіпқойлықтарын танытты.
