ІІI Халықаралық ашық білім беру форумы

Бүгін, 2023 жылғы 07 сәуірде Өскемен жоғары политехникалық колледжінің базасында өткен «Тиімді білім беру әдістемелері мен технологияларын пайдалану негізінде болашақ маманның құзыреттілігін қалыптастыру» ІІІ Халықаралық ашық білім беру форумы өз жұмысын аяқтады. Мақсаты – пікірталастар жүргізу, тәжірибе алмасу, ресейлік және шетелдік білім беру ұйымдарының әріптестерімен серіктестік орнату үшін нетворкинг форматында халықаралық ашық алаң құру. Форум жұмысы барысында Энергетика бағыты бойынша: «Кәсіби құзыреттілікті қалыптастыру. Колледжде тәжірибеге бағдарланған оқыту-табысты маманның кепілі», жалпы білім беретін пәндер, IT-технология және қызмет көрсету саласы бойынша шеберлік сыныптарының сериясы өтті. Форум соңында «Инновациялық саясатты іске асыру. Тәжірибе. Тенденциялар» Халықаралық ғылыми-практикалық конференциясы өтті. Форум жұмысына Қазақстан, Беларусь, Қырғызстан Республикасынан және Ресей Федерациясынан барлығы 500-ден астам қатысушы тіркелді. Шеберлік сыныбын онлайн форматта Google meet конференциясында немесе колледждің YouTube арнасынан көруге болады:

https://www.youtube.com/channel/UCTMyN8fEfQY7bzQc5_H8dLA

Форумның барлық қатысушыларына үлкен алғысымызды білдіреміз!