Ұлы Жеңістің 75 жылдығына арналған челлендж және оқу – зерттеу және жобалау жұмыстарының мемлекетаралық қашықтық ғылыми-практикалық конференциясы

Ұлы Жеңістің 75 жылдығы қарсаңында ШҚО білім басқармасы мен Кәсіптік білім беру орталығы Қазақстан халқын Ұлы Жеңіс мерекесімен шын жүректен құттықтап, #ЕшқандайВирусБізгеТосқауылЕмес #ЕшкімдеЕшқашанҰмытылмайды #BizBirgemiz хештегімен әскери жылдардың сүйікті әндерінің челленджі бастады.

Жеңіс күні-әр адамның өміріндегі маңызды мереке. Өкініштісі, жылдар өткен сайын ардагерлеріміз азайып барады, ШҚО колледждерінің ұжымдары аталарымыз бен әжелеріміздің ерлігіне құрмет көрсетіп, сол шайқастарға қатысушылар мен тыл еңбеккерлерін челлендж арқылы қолдайды.

Ұлы жеңіс туралы ән салудың тамаша мүмкіндігін Шығыс Қазақстан гуманитарлық колледжі, Риддер аграрлық-техникалық колледжі,Халық әртістері ағайынды Абдуллиндер атындағы өнер училищесінің студенттері, Геологиялық барлау колледжі, Аягөз политехникалық колледжі, Абай колледжі, Семей қ. құрылыс колледжі, М. Төлебаев атындағы музыка училищесінің және т. б.  командалары пайдаланды.

Жастар-Қазақстанның болашағы, олар Ұлы Отан соғысымен байланысты тарихымыздың қайғылы кезеңі туралы халықтың жадын құрметтейді. Халықтың қайғылы кезеңі мен өшпес ерлігі ұмытылмай, әркімнің жүрегінде сақталса, біздің тарихымыз да өшпесі анық.

Барлығының басын қосып, біріктірген #BizBirgemiz челленджінен жастардың Ұлы Жеңіске деген мақтаныш пен қуаныш сезімін байқадық. Сонымен қатар, ШҚО кәсіптік білім беру орталығы Көлік колледжімен бірлесе отырып, 2020 жылдың 15 мамырында Жеңістің 75 жылдығына арналған «Ешкім де, ешқашан да ұмытылмайды» оқу – зерттеу және жобалау жұмыстарының мемлекетаралық ғылыми-тәжірибелік конференциясын өткізуді жоспарлап отыр. ТжКБ оқу орындарының педагогтері мен білім алушылары арасындағы карантинге байланысты конференция онлайн режимде өтеді.