«Үздік кәсіптік бағдар беруші» облыстық байқауының қорытындысы

2024 жылғы 13 желтоқсанда облыстық «Үздік кәсіби бағдар беруші» байқауының жеңімпаздары мен жүлдегерлерін салтанатты марапаттау рәсімі өтті.

Конкурстың мақсаты - колледждер арасында үздік кәсіптік бағдар берушіні анықтау, кәсіптік бағдар беру жұмысын ұйымдастырудың жаңа нысандарын іздеу, өңірлік еңбек нарығының сұранысын ескере отырып, мамандықтарды танымал ету және оқушылардың болашақ мамандықты таңдауға қызығушылығын арттыру.

Бұл конкурсқа ШҚО ТжКБ жүйесінің оқу орындарынан 19 кәсіптік бағдар берушілер қатысты. Олардың барлығы өз жұмысында кәсібиліктің, шығармашылықтың және инновациялық әдістердің жоғары деңгейін көрсетті.

Марапаттау салтанатында ШҚО білім басқармасы басшының орынбасары Ақылбек Алима өз сөзінде: «Кәсіптік бағдар берушілердің жұмысы қоғам үшін өте маңызды, себебі дұрыс таңдалған мамандық — бұл өмірдің табысты әрі тұрақты болуына кепілдік», деп атап өтті.

Облыстық байқаудың қорытындысы бойынша келесі жүлделі орындар анықталды:

І орын - Слямова Эльмира Сериковна, Абай атындағы Шығыс Қазақстан гуманитарлық колледжі директорының ақпараттық технологиялар жөніндегі орынбасары;

ІІ орын - Оразбекова Жанерке Мадиярқызы, Зайсан технология колледжінің өндірістік оқыту шебері;

ІІІ орын - Токтарова Айым Дулатовна, Д. Серікбаев атындағы Шығыс Қазақстан техникалық университетінің жоғары IT колледжі директорының оқу-өндірістік жұмысы жөніндегі орынбасары.

Байқаудың жеңімпазы мен жүлдегерлері ШҚО білім басқармасының дипломдарымен, бағалы сыйлықтарымен және сертификаттарымен марапатталды.