Қаріп өлшемі
  • A
  • A
  • A

"Шығыс Қазақстан облысының кәсіптік білім беру орталығы" коммуналдық мемлекеттік мекемесі

2025 жылғы 13 наурызда Шығыс Қазақстан облысының кәсіптік білім беру орталығы, Өскемен көпсалалы технологиялық колледжі және Оқу-өндірістік жұмыстар жөніндегі директор орынбасарларының оқу-әдістемелік бірлестігімен бірлесе отырып, колледждердің оқу-өндірістік және оқу ісі жөніндегі директор орынбасарларына, арнайы пәндер оқытушылары мен колледждердің өндірістік оқыту шеберлеріне арналған «WorldSkills: педагогтердің кәсіби шеберлігін шыңдау шеберханасы» аймақаралық семинар-практикумын өткізді.

Семинардың басты мақсаты – педагогтердің кәсіби шеберлігін WorldSkills стандарттарына сәйкес жетілдіру, заманауи әдістер мен озық тәжірибелерді білім беру үдерісіне енгізу арқылы білім сапасын жақсарту. Сонымен қатар, қатысушыларға біліктілікті арттырудың жаңа мүмкіндіктері, инновациялық оқыту әдістері мен техникалық және кәсіптік білім беру саласындағы өзгерістер туралы ақпарат беру.

Аталған іс-шара аймақаралық деңгейде тәжірибе алмасу алаңын құруды көздей отырып, педагогтерге өзара ой бөлісуге мүмкіндік берді. Семинар барысында спикерлер қатысушылардың туындаған сұрақтарына жауап беріп, студенттерді конкурсқа дайындай отыра педагогтердің өз білімдерін шыңдайтындығын атап өтті, студенттердің жүлделі орындарға ие болуларының себептерін талқылады.

Семинар соңында педагогтер өзара пікір алмасып, білім беру сапасын жетілдіру бойынша бірқатар ұсыныстар ұсынды.