«Ерен Еңбегі үшін» медалімен марапатталды

Республика күніне орай «Марқакөл ауылының мектеп- интернат- колледжі» КММ аға шебер және арнайы пәндер оқытушысы Мухаметкалиев  Серік  Қайдарұлы «Ерен Еңбегі үшін» медалімен марапатталды.

Серік Қайдарұлы 41 жылдан астам уақытта кәсіптік- техникалық білім беру саласында адал еңбек етіп, кәсіби жетістіктерге жетіп жүрген тұлға.

Педагогтер арасында инженерлік сала бойынша кәсіби шеберліктің облыстық конкурсының жүлдегері. Слесарлық-механикалық тәжірибе сабақтарында практикалық оқытуды ұйымдастыру бойынша әдістемелік ұсынымдардың авторы. Даярлаған студенттері «Ауылшаруашылығы өндірісінің тракторшы-машинисі» біліктілігі бойынша облыстық байқаудың бірнеше мәрте  жүлдегерлері атанған.

Әріптесімізді мемлекеттік наградасымен құттықтаймыз!