Бейне сабақтар мен бейне дәрістердің «Педагогикалық идеялар панорамасы» республикалық конкурсының облыстық кезеңі

2024 жылғы 14 қарашада бейне сабақтар мен бейне дәрістердің «Педагогикалық идеялар панорамасы» облыстық конкурсының қорытындысы бойынша Шығыс Қазақстан облысының колледж оқытушылары жеңімпаз бен жүлдегер атанды.

Конкурс мақсаты - пәнаралық негізде білім алушылардың ерте функционалдық сауаттылығын дамыту саласында педагогтердің өзара қарым-қатынасының заманауи педагогикалық тәжірибесі мен үздік практикаларын жалпылау және танымал ету.

Конкурс нәтижесінде қатысушылар І, ІІІ дәрежелі дипломдармен марапатталды:

-І дәрежелі дипломдармен «Цифрлық сауаттылық» бағыты бойынша Өскемен құрылыс колледжі директорының ақпараттық технологиялар жөніндегі орынбасары, информатика пәнінің оқытушысы Чирвин Владимир Александрович, «Азаматтық-құқықтық сауаттылық» бағыты бойынша алғашқы әскери және технологиялық дайындық ұйымдастырушы-оқытушысы Подрезов Игорь Борисович;

-І дәрежелі дипломмен «Экологиялық сауаттылық» бағыты бойынша Өскемен жоғары политехникалық колледжінің арнайы пәндер оқытушысы Григорьев Николай Владимирович;

-І дәрежелі дипломмен «Әлеуметтік-эмоционалды сауаттылық» бағыты бойынша Халық әртістері ағайынды Абдуллиндер атындағы Шығыс Қазақстан өнер училищесінің әдіскері, Мукашева Асель Оразкызы және арнайы пәндер оқытушылары Арутюнян Елена Генриховна, Величко Марина Викторовна;

-ІІІ дәрежелі дипломмен «Әлеуметтік-эмоционалды сауаттылық» бағыты бойынша Абай атындағы Шығыс Қазақстан гуманитарлық колледжінің педагогика және арнайы пәндер оқытушысы Даутова Мадина Токтаровна.

Облыстық кезеңнің жеңімпаздары «Педагогикалық идеялар панорамасы» республикалық конкурсына қатысады.