Техникалық және кәсіптік білім беру ұйымдарының педагогтері арасында «Өнер. Шабыт. Талант» облыстық байқауы

2024 жылғы 28 қараша күні Шығыс Қазақстан облысының білім басқармасының жұмыс жоспарына сәйкес, Халық әртістері ағайынды Абдуллиндер атындағы Шығыс Қазақстан өнер училищесі базасында техникалық және кәсіптік білім беру ұйымдарының педагогтері арасында «Өнер. Шабыт. Талант» облыстық байқауы өтеді.

Байқаудың мақсаты:

Шығыс Қазақстан облысының техникалық және кәсіптік білім беру ұйымдарының педагогтері арасында өнерге деген қызығушылықтарын арттыру, шығармашылық қабілеттерін дамыту, тәжірибе алмасуға жағдай жасау.

Байқаудың міндеттері:

Қатысушылардың шығармашылық қабілеттерін ашу, таланттарын шыңдау, өзін-өзі дамытуына ықпал ету;

Педагогтердің патриоттық сезімін оятып, айқын азаматтық ұстанымы бар тұлғаны қалыптастыру.

Байқау бағыттары:

1. Аспаптық орындау;

2. Вокалдық өнер;

3. Хореография;

4. Авторлық туындыны орындау;

5. Қолөнер.

Байқаудың өтетін орны мен уақыты:

Өтетін орны: Өскемен қаласы, 30-шы Гвардиялық дивизия көшесі, 4.

Өтетін уақыты: 2024 жылғы 28 қараша, сағат 10:00.