Шығыс Қазақстан облысы техникалық және кәсіптік білім беру ұйымдарының педагогтері арасындағы «Өнер. Шабыт. Талант» облыстық байқауы

2024 жылғы 28 қарашада Шығыс Қазақстан облысы білім басқармасының жұмыс жоспарына сәйкес ШҚО кәсіптік білім беру орталығы техникалық және кәсіптік білім беру ұйымдарының педагогтері арасында Халық әртістері ағайынды Абдуллиндер атындағы Шығыс Қазақстан өнер училищесінің базасында «Өнер. Шабыт. Талант» облыстық байқауын өткізді.

Байқаудың мақсаты: Шығыс Қазақстан облысы техникалық және кәсіптік білім беру ұйымдарының педагогтері арасында өнерге деген қызығушылықтарын арттыру, шығармашылық тәжірибе алмасу.

Байқауға 5 бағыт бойынша 60-тан астам колледж педагогтері қатысты: «Аспаптық орындау», «Вокалдық өнер», «Хореография», «Авторлық шығарманы орындау», «Қолөнер».

Байқау комиссиясының шешімімен бес бағыт бойынша жеңімпаздар мен жүлдегерлер  анықталды.

«Гран-при» иегерлері:

«Қолөнер» жанры – Журтбаева Клара Аденбековна, Өскемен жоғары медициналық колледжінің №1 арнайы пәндер оқытушысы;

«Вокалдық өнер» жанры – Сеилханова Кырмызы Кабдрашиткызы, Қазақстан-Американдық Еркін университетінің арнайы пәндер оқытушысы;

«Авторлық шығарманы орындау» жанры – Омарова Мөлдір Жұмабайқызы, «Абай атындағы Шығыс Қазақстан гуманитарлық колледжі;

«Хореография» жанры – Қарсақова Айгерім Есболқызы, «Д. Серікбаев атындағы жоғары IT колледжінің арнайы пәндер оқытушысы;

«Аспаптық орындау» жанры – «Абай атындағы Шығыс Қазақстан гуманитарлық колледжінің ансамблі.

Гран-при иегерлері дипломдармен және естелік сыйлықтармен, жеңімпаздар

I, II, III дәрежелі дипломдармен марапатталды, қатысушыларға сертификаттар табысталды.

Жеңімпаздарды шын жүректен құттықтай отырып, шығармашылық табыстар тілейміз!