«Үздік кітапханашы» облыстық байқауы

ШҚО кәсіптік білім беру орталығы жылдық жұмыс жоспарына сәйкес 2023 жылы 26 желтоқсанда ТжКББ жүйесіндегі ұйымдары кітапханашыларының кәсіби шеберлік деңгейін арттыруға, шығармашылық тұрғыдан өзін-өзі жетілдіруге тұрақты ұмтылысты, тартымды имиджді қалыптастыруға және білім беру саласындағы мамандықтың беделін көтеруге бағытталған «Үздік кітапханашы» облыстық байқауын өткізді.

Байқаудың негізгі мақсаттары мен міндеттері: шығармашылықпен жұмыс істейтін колледж кітапханашыларын анықтау, қолдау және олардың инновациялық жұмыс тәжірибесін тарату.

Байқау 3 тапсырмадан тұрды: «Библиолик» визит карточкасы, жобаны қорғау және блиц-турнир.

 Іс-шара соңында комиссия мүшелері жеңімпаздар мен жүлдегерлерді анықтады.

 «Үздік кітапханашы» облыстық байқауының қорытындысы:

І орын – «Глубокое техникалық колледжі» КММ  кітапханашысы   Ильина Наталья Александровна; 

ІІ орын – «Глубокое аграрлық колледжі» КММ кітапханашысы  Әрімбекова Аиша Серікқызы және «Алтай ауданының ауылшаруашылығы колледжі» КММ кітапханашысы   Данилова Анастасия Ивановна;   

ІІІ орын – «Өскемен көпсалалы технология колледжі» КММ кітапханашысы Бозтайлақова Гулайым Кеңесбекқызы.

          Жеңімпаз бен жүлдегерлерді құттықтаймыз!