«Үздік кәсіби бағдар беруші 2024» облыстық байқауы

Шығыс Қазақстан облысының кәсіптік білім беру орталығы ШҚО колледждерінің кәсіптік бағдар берушілері арасында ағымдағы жылдың 11 қарашасы мен 13 желтоқсаны аралығында «Үздік кәсіби бағдар беруші» облыстық байқауын өткізеді.

Байқау 3 кезеңді қамтиды:

•Бірінші кезең – «Сүйікті мамандығым» тақырыбында бейнероликтер байқауы, 2024 жылдың 11-15 қарашасы аралығында қашықтықтан өткізіледі;

•Екінші кезең – Мамандықтар көрмесі.

2024 жылдың 21 қарашадан – 11 желтоқсан аралығында қалаларда/аудандарда өткізіледі;

•Үшінші кезең – TEDx форматында кәсіби бағдар беру жобаларын қорғау ағымдағы жылдың 13 желтоқсанында өтеді (Өскемен қаласы, Абай даңғылы,21 5-қабат).

«Үздік кәсіби бағдар беруші» облыстық байқауындағы қатысушыларымыздың жұмыстарын өз ісінің білікті мамандарынан құралған әділ қазы алқасы бағалайтын болады.

Барлық қатысушыларға жеңіске деген ерік-жігер, өз күшіне деген сенімділік, жинақылық пен табандылық тілейміз. Сәттілік!