«Заманауи технологиялар, жаңа материалдар және цифрландыру» колледж оқытушылары үшін облыстық семинар
2025 жылғы 14 наурызда Шығыс Қазақстан облысының кәсіптік білім беру орталығының ұйымдастыруымен инженерлік және құрылыс саласы бойынша оқу-әдістемелік бірлестігінің жұмыс жоспарына сәйкес Д. Серікбаев атындағы Шығыс Қазақстан техникалық университеті жоғары IT колледжінің базасында колледж оқытушылары үшін «Заманауи технологиялар, жаңа материалдар және цифрландыру» атты облыстық семинар өтті.
Мақсаты – колледж оқытушыларының кәсіби құзыреттілігін заманауи технологиялар, инновациялық құрылыс материалдары және құрылыс процестерін цифрландыру саласында арттыру.
Дөңгелек үстел барысында Шығыс Қазақстан облысы колледждерінің инженерлік және құрылыс саласы бойынша арнайы пәндер оқытушылары мен өндірістік оқыту шеберлері спикер ретінде қатысып, қатысушыларға өз салалары бойынша заманауи цифрлық құралдарды қолдану және жаңа материалдарды оқу үрдісіне интеграциялау әдістері туралы кеңінен мағлұмат берді. Оқу процесіне цифрлық технологияларды енгізудің тиімділігі мен мүмкіндіктері талқыланып, тәжірибе алмасу алаңы ұйымдастырылды. Қатысушыларға экскурсия ұйымдастырылып, колледждің материалды-техникалық базасы, мұражай, кітапхана, VR аймақпен таныстыру жұмыстары жүргізілді. Арнайы пәндер оқытушысы мен студенттер бірлесе отырып, құрылыс саласындағы құзыреттер және технологиялар трансфері орталығында шеберлік сағатын көрсетті.
Семинар соңында қатысушылармен кері байланыс орнатылып, колледж тарапынан қатысушыларға шеберлік сағаты барысында жасалған бұйымдардан кәдесый ұсынылды.
