Шығыс Қазақстан көпсалалы колледжінде «Ветеринария» мамандығы бойынша жаңа диагностикалық кабинеттің ашылуы!
2025 жылғы 21 қаңтарда жұмысшы мамандықтар жылына және колледждің 80 жылдығына орай іс-шаралар шеңберінде «Ветеринария» мамандығы бойынша жаңа диагностикалық кабинеттің салтанатты ашылуы өтті.
Бұл жоба колледждің әлеуметтік серіктесі - 1 000 000 теңгеге сертификат берген «VetLab» клиникалық-диагностикалық орталығының арқасында мүмкін болды. Осы қаражатқа заманауи мобильді интерактивті тақта сатып алынды, ол қазірдің өзінде шеберлік сыныптар мен семинарлар өткізу үшін белсенді қолданылады.
Ашылу салтанатына ШҚО білім басқармасы басшысының орынбасары А.А. Ақылбек, «VetLab» КДО басшысы А. М. Хусаинова, сондай-ақ колледж педагогтері мен студенттері қатысты. Олар студенттерге жоғары білімі мен дағдыларын көрсетуге көмектесетін жаңа технологиялардың куәсі болды.
Интернетпен жабдықталған кабинет нақты уақыттағы онлайн-іс-шаралар, конкурстар мен семинарлар үшін кең мүмкіндіктер ашады. Ал бүгін студенттер жаңа технологияларды пайдалана отырып, шеберлік сыныптарын көрсетті.
Сапалы білім берудің маңызды факторы - оқу орындарының жұмыс берушілермен тығыз ынтымақтастығы болып табылады. Бұл бағытта колледж өңірдің әлеуметтік серіктестерімен және кәсіпорындарымен белсенді жұмыс істейді.
Атап айтқанда, 2024 жылы:
«Қазмырыш» ЖШС IT-кабинетті жаңғыртуға 2,3 млн теңгеден астам қаражат берді;
«Самир» шаруа қожалығы көң шығару жүйесіне арналған жабдықтарды орнатуға көмектесті;
«SU Service group» ЖШС компаниясы 3,8 млн теңгеден астам қаражатқа жаңа мектеп жиһазын сатып алуға демеушілік көмек көрсетті.
Осындай серіктестіктердің арқасында колледж сапалы білім алуға және заманауи сын-тегеуріндерге дайын мамандарды даярлауға жағдай жасайды.
