Жұмысшы мамандықтарды дәріптеу: «АЭС Өскемен ГЭС» ЖШС базасында Ашық есік күні

Шығыс Қазақстан облысының 2025 жыл Жұмысшы мамандықтар жылын  өткізу жөніндегі жоспарын жүзеге асыру барысында ағымдағы жылдың 12 наурызында «АЭС Өскемен ГЭС» ЖШС базасында 9 сынып мектеп оқушыларына жұмысшы мамандықтарын дәріптеу мақсатында Ашық есік күні өткізілді.

Ашық есік күні шарасының барысында мектеп оқушыларына Өскемен ГЭС-тің базасына экскурсия жасалып, заманауи технологиялар мен жабдықтармен жұмыс істейтін мамандардың еңбектерімен таныстырылып, сондай-ақ олардың өңір экономикасының дамуына қосқан үлестерінің маңыздылығы туралы толық ақпарат берілді. Сонымен қатар, оқушылар арасында квест өткізіліп, жеңімпаздарға кәсіпорын тарапынан бағалы сыйлықтар мен колледжде тегін білім алуға жолдама берілді.

Кәсіби бағдар беру шаралары оқушыларға болашақ мамандықтарын таңдауға және білікті маман болуға жол ашады.