«ЖҰМЫСШЫ МАМАНДАР КОРРУПЦИЯҒА ҚАРСЫ»

2025 жылы 4 ақпанда ҚР Сыбайлас жемқорлыққа қарсы іс-қимыл Агенттігінің ШҚО бойынша Департаменті, ШҚО Білім басқармасы, «Өскемен көпсалалы технология колледжі» КММ бірлесіп жұмысшы мамандықтар жылына орай «Жұмысшы мамандар коррупцияға қарсы» атты облыстық кәсіби шеберлік сайысын өткізді.

Сайыстың мақсаттары: колледж студенттері арасында жұмысшы мамандықтарын насихаттау, оқытылатын мамандық бойынша студенттердің кәсіби дағдыларын көрсету, студенттер арасында сыбайлас жемқорлыққа қарсы мәдениетті қалыптастыру.

Сайысқа қатысушыларды Білім басқармасы басшысының орынбасары А.Ақылбек,  ҚР Сыбайлас жемқорлыққа қарсы іс-қимыл Агенттігінің ШҚО  бойынша  Департаментінің басшысы А. Бейсембаев құттықтады. Олар мамандықта тәжірибе мен білім ғана емес, адалдық та маңызды екенін атап өтті. Өз ісіне адал болу деген болашақ мамандардың әріптестерінің, клиенттерінің және серіктестерінің алдындағы беделі мен абыройы.

Колледж командалары үш кезеңде бақ сынасты. 1 – кезең-теориялық, тест тапсырмаларын орындау, 2-кезең – «Іс-әрекеттегі шеберлік» практикалық бөлімі: студенттер «электр жабдықтары (түрлері мен салалары бойынша)», «тамақтандыруды ұйымдастыру» мамандықтары бойынша өздерінің шеберліктерін, дағдылары мен шығармашылығын көрсете отырып, практикалық тапсырмаларды орындады.

Ақтық кезеңде студенттер пікірсайысқа қатысып, «Адалдық неліктен жұмысшы мамандықтарындағы табыстың негізгі факторы болып табылады» деген тақырыпты талқылады.

Сайыс қорытындысы бойынша жекелей есепте жеңімпаздар мен жүлдегерлер анықталды.

«Адалдық туралы пікірталас» бағытында - І орын - «Риддер колледжі» КМҚК командасы, ІІ орын – «Өскемен көпсалалы технология колледжі» КММ командасы ІІІ орын - «Глубокое аграрлық колледжі» КММ және «Глубокое техникалық колледжі» КММ құрама командасы иеленді.

«Тамақтандыруды ұйымдастыру» бағытында І орын - Дъячкова Валерия, «Алтай қаласынының технология колледжі» КММ, ІІ орын – Тамилова Оксана, «Өскемен көпсалалы технология колледжі» КММ, ІІІ орын – Боровикова Варвара, «Серебрянка технология колледжі» КММ иеленді.  

«Электр жабдықтары» бағытында І орын – Солташев Мадияр, «Өскемен көпсалалы технология колледжі» КММ, ІІ орын - Лаптев Денис, «Глубокое техникалық колледжі» КММ ІІІ орын – Артамонов Никита, «Серебрянка технология колледжі» КММ иеленді.

Жалпыкомандалық орындарды келесі колледждер иеленді:

І орын - «Өскемен көпсалалы технология колледжі» КММ, ІІ орын - «Серебрянка технология колледжі» КММ, IІІ орын - «Глубокое аграрлық колледжі» КММ және «Глубокое техникалық колледжі» КММ командалары.

Барлық жүлдегерлерді құттықтаймыз! Келешек табыстар тілейміз!