Энергетика саласы бойынша республикалық кәсіби шеберлік конкурсы

  2024 жылғы 31 қазанда Өскемен жоғары политехникалық колледжінің құзіреттілік орталығында өткен энергетика саласы бойынша республикалық кәсіби шеберлік конкурсы өз мәресіне жетті.

Республикалық кәсіби шеберлік конкурсының 1-ші кезеңінен іріктеуден өткен Атырау, Ақтөбе, Ақмола, Павлодар, Қостанай, Шығыс Қазақстан облысынан қатысушылар жұмыстары халықаралық WorldSkills стандарттарына сәйкес CIS жүйесі арқылы бағаланды.

Нәтижесінде Атырау энергетика және құрылыс колледжінің  өндірістік оқыту шебері Тастелеуов Рауан Амангельдиевич «Алтын медаль»;

Өскемен жоғары политехникалық колледжінің өндірістік оқыту шебері Кудайбергенев Мади Мергалимович «Күміс медаль»;

Ақтөбе өнеркәсіптік технологиялар колледжінің өндірістік оқыту шебері Ақайдар Асылбек Асқарұлы «Қола медаль»;

Көкшетау қаласы, Жоғары техникалық колледжінің арнайы пән оқытушысы Чубарь Артур Витальевич «Үздік маман» номинациясын иеленді.

Марапаттарыңыз құтты болсын! Сіздерге табандылық, жаңа жеңістер, еңбекте табыс, ең батыл идеялар мен алға қойған жоспарларыңызды іске асыруды тілейміз!