Шығыс Қазақстанның құрама командасы республикалық кәсіби шеберлік чемпионаты «WorldSkills Kazakhstan 2024» қатысуда

Бүгін, 14 қарашада, Астана қаласында «WorldSkills Kazakhstan 2024» республикалық кәсіби шеберлік чемпионатының бірінші күні басталды. Чемпионатқа еліміздің барлық аймақтарынан 30 негізгі құзырет бойынша 550 жас маман қатысуда. Оның ішінде 29 қатысушы Шығыс Қазақстанның құрама командасынан 27 құзыреттіліктен өздерінің кәсіби дағдыларын сынамақ. Чемпионат қатысушыларының жұмыстарын бағалауға 500 ден астам сарапшылар тартылып отыр.

Республикалық кәсіби шеберлік чемпионаты жұмысшы мамандықтары бойынша білім алып жатқан студенттер үшін үлкен мүмкіндіктерге жол ашатын ауқымды шара. Өйткені жұмысшы мамандықтарының иелері - еліміздің күш-қуаты.

Еліміздің түкпір-түкпірінен келген жас кәсіби шеберлер құзыреттілік алаңдарында өз білімдерін шыңдап, озық тәжірибелерімен алмасуға үлкен мүмкіндік жасалуда.

Сайыстың алғашқы күнінде қатысушылардың кәсіби шеберліктерін жоғары деңгейде көрсететіндеріне сенімдіміз!

Чемпионат қатысушыларына және ШҚО командасына сәттілік тілейміз!!!