Шығыс Қазақстан облысында жұмысшы мамандықтардың аймақтық чемпионатына дайындық басталды

Жұмысшы мамандықтар жылының іс-шаралар жоспарын іске асыру аясында 2025 жылғы 23 қаңтарда білім басқармасы «WorldSkills Shygys 2025» және «AgroSkills Shygys 2025» аймақтық жұмысшы мамандықтар чемпионаттарын өткізуге дайындық барысында «Болашақ мамандар» облыстық форсайт-семинарын өткізді.

Семинарға «WorldSkills Kazakhstan 2024» республикалық чемпионатының сарапшылары, аймақ колледждерінің өндірістік оқыту шеберлері және арнайы пәндер оқытушылары қатысты.

Семинар жұмысының барысында қызмет көрсету саласы, ақпараттық және коммуникациялық технологиялар, шығармашылық және дизайн, өнеркәсіптік өндіріс, құрылыс индустриясы, көлік қызметі, білім беру саласы, ауыл шаруашылығы және ветеринария бағыттары бойынша WorldSkills халықаралық стандарттарына сай аймақтық чемпионаттың 34 құзыреттіліктері бойынша модульдер әзірленді.