Шығыс Қазақстан облысында «Сапалы кадр даярлау – бизнес пен білім берудің басты міндеті» атты республикалық форум өтті.

Жұмысшы мамандықтар жылы аясында 2025 жылғы 15 қазанда Д. Серікбаев атындағы ШҚТУ-дың колонна залында білім басқармасы ШҚО әкімдігінің және ҚР Оқу-ағарту министрлігі жанындағы «Talap» КЕАҚ-ның қолдауымен колледж педагогтері мен жұмыс берушілердің қатысуымен салалар бойынша республикалық кәсіби шеберлік форумын ұйымдастырды.
Форум Шығыс Қазақстан облысы әкімінің орынбасары Ербол Жолдаспекұлы Нұрғалиевтің қатысуымен, Жұмысшы мамандықтар жылы аясындағы өңірлік іс-шаралар жоспарын іске асыру шеңберінде өтті.
Форумның мақсаты – мамандарды қазіргі заманғы стандарттар мен жұмыс берушілердің талаптарына сәйкес сапалы даярлауды қамтамасыз ету.
Форумға «Talap» КЕАҚ өкілдері, ШҚО кәсіпкерлер палатасы, өңірдегі ЖОО-лары, Астана мен Алматы қалаларынан, Ақтөбе, Қызылорда, Жамбыл, Түркістан, Маңғыстау, Қарағанды, Абай және Шығыс Қазақстан облыстарынан колледж директорлары мен педагогтер қатысты.
Форум жұмысына әлеуметтік серіктестер – «Казцинк», Үлбі металлургиялық зауыты, «Гидросталь», Өскемен жылу желілері және басқа да кәсіпорындар қатысты.
Форум қатысушыларын ШҚО әкімінің орынбасары Ербол Жолдаспекұлы Нұрғалиев салтанатты түрде қарсы алды. Өз сөзінде ол өңір колледждерінің жұмыс берушілермен өзара тиімді серіктестігін атап өтіп, кәсіпкерлер палатасына, жұмыс берушілерге және колледждерге экономиканың жедел өсуіне және еңбек нарығының сұраныстарына байланысты кадрларды жедел даярлау мәселелерін бірлесіп пысықтауды ұсынды.
«Talap» КЕАҚ әлеуметтік әріптестік басқармасының басшысы Н.Д. Жанайдаров ТжКБ жүйесінде білікті кадр даярлауда бизнестің рөлі туралы баяндама жасады.
Білім басқармасы басшысының орынбасары А.А. Ақылбек ШҚО ТжКБ ұйымдарының жұмыс берушілермен тиімді өзара іс-қимыл моделін таныстырды.