Қаріп өлшемі
  • A
  • A
  • A

"Шығыс Қазақстан облысының кәсіптік білім беру орталығы" коммуналдық мемлекеттік мекемесі

 

Шығыс Қазақстан облысы әкімінің тапсырмасын орындау мақсатында білім басқармасы «Рухани жанғыру» бағдарламасын жүзеге асыру аясында өңірлік жоғары оқу орындарының бәсекеге қабілеттілігін арттыру және өңір мектеп түлектерінің шетелдерге кетуін азайту бойынша «Білікті маман» жобасын әзірледі.

Осыған байланысты 2017 жылдан бастап жергілікті бюджет қаражаты есебінен өңір экономикасы үшін кадрларға қажеттілікті ескере отырып, жоғары білім алуға ақы төлеу үшін білім гранттары бөлінеді. Егер 2017 жылы 200 білім гранты бөлінсе, 2018 жылы 446 грант және 2019 жылы 400 білім гранты бөлінді. Сондай-ақ, 2020 жылға аймақтың еңбек нарығының қажеттілігін ескере отырып, жергілікті бюджет қаражаты есебінен жоғары білім алуға ақы төлеу үшін 400 грант бөлу жоспарлануда.

Осы жоба шеңберінде бүгінгі күні жеті аймақтық ЖОО-да, оның ішінде республиканың екі ЖОО-да (Алматы қаласындағы Әл-Фараби атындағы Қазақ ұлттық университеті, Алматы қаласындағы Нұр-Мүбарак
Египет ислам мәдениеті университеті) 1046 студент жергілікті бюджет есебінен білім алуда.

Мектеп түлектерінің шетелдік жоғары оқу орындарына кетуін төмендету бойынша қабылданған шаралар бүгінгі күні оң нәтиже беруде:

біріншіден, балалар үшін жоғары білімнің қолжетімділігі айтарлықтай өсті. 2017 жылы ҰБТ тапсырған түлектердің 48%-ы білім гранттарын алса, 2018 жылы мектеп түлектерінің 56%-ы республикалық және жергілікті гранттарға ие болса, 2019 жылы бітірушілердің 64%-ы жоғары оқу орындарының студенттері болды.

екіншіден, мектеп түлектерінің кетуі айтарлықтай төмендеді – ағымдағы жылы өткен жылмен салыстырғанда 30%. Егер 2016 жылы облыс мектептерінің 1800 түлегі,  2017 жылы - 890,  2018 жылы - 636, ал 2019 жылы – 535 түлек шетелдік жоғары оқу орындарына оқуға кеткен.

Осы жоба бойынша жұмыстар жалғасуда.

Жоба бұйрығы

Жоба бағдарламасы

Облыс әкімінің орынбасары Мархабат Әлішердің 2020 жылғы кеңейтілген аппараттық кеңесте сөйлеген сөзінің тезистері

Слайд